ابوكبير اون لاين

بعد انتشار صور النجوم مع البلطجي "نخنوخ" المقبوض عليه، انتشرت اخبار حوالين إن نخنوخ علي علاقة بكل الفنانين وده اللي استغربه جمهورهم، ومن ضمن الفنانين اللي انتشرت صورهم مع نخنوخ الفنان "أحمد السقا"، واللي عمل مداخلة هاتفيه في برنامج 90 دقيقة اللي بيتذاع علي قناة المحور، وقال السقا إنه بالفعل قابل نخنوخ 4 مرات، مرة وهما بيصوروا فيلم "ابن القنصل" في الاسكندرية، ومرة تانية في مستشفي لما كان أبو السقا في المستشفي، وكان نخنوخ موجود عشان كان بيعمل قسطرة في القلب، ومرة في الاسكندرية وكان بيتكلم معاه حوالين الحصان بتاعه - من المعروف حب السقا للأحصنة - وأكد السقا بإن نخنوخ كان بيتعامل بمنتهي الأدب والأحترام معاه وإنه كان واحد من الناس اللي عندهم حب كبير للفن وللفنانين وبيحب يتابع الأعمال الفنية، وختم السقا تصريحاته بإنه ميعرفش عنه أي حاجة ولا عن أنشطته.